وش حيلة اللي طارحتْه الصخونــه
ومن قبل ذلك في هوا الحب مطروح
أتعب ولكـن ..!! شي ما تعلمونه
مآغيرهـا لآ شفتها تنعش الروووح
اللي لها فـ القلب نبضه ولونـه
واللي لها هالروح من وين مآروح
ش/جارالله الشدي
لي صاحبٍ من يوم قفّى تل قلبي وأختَفَى
عدّت ثلاث سنين منّه لا سؤال ولا خبر
مايدري إني منتظر وإن كنت تقراني كَفَى
عوّد وطمني عليك القلب يفناه الصبر
ما تدري إنك لي وطن والعالم الله ماخفى
كل يوم أشوفك وأبتسم وأحفر على طيفك قبر
ش/جارالله الشدي
إن شفت نفسك تعشق إنسان بجنون
أعرف ترا ما فـ المحبه سلامـــه
حبّه وخلك في محبتْهْ مفتوووووون
وأدمح خطايا الحب . الا الكرامه
ش/جارالله الشدي
كآنك زعلت اليوم مالك مرآضي
مآي البحر يروي كـبود البريـه
لآ شفت ماعندك شغل وأنت فآضي
شقّر على الكُرنيش ولا القـــريّه
ش/جارالله الشدي
ياليتني لا دعيتــه لد ولبّاني
مثلي ليامن دعا بالصوت لبيته
أدعيه وهمه يجدد جملة أحزاني
واناالذي بالسعاده ما تعديته
ش/جارالله الشدي
تدري وش اللي يهدّكوأ نت متعآفي
لآ شفت منهو تحبّه غآدر وخــآين
وتدري وش اللي يعكّر جوّك الصافي
إنّ الغدر في جنآبه ماهو إبّاين
وتدري وش اللي يبيّح سدّك الخآفي
إنك تصونه وهو ماهو بلك صـآين
ش/جارالله الشدي
وآحد ليا منّه زعل أزعل على كـل الملا
وآضيق من كل البشر .. هذا ليامنّه زعل
وليا رضى كن الحياة تقول لي أرحب هلا
وتقول لي ليه الزعل ما للزعل أيّة محل
ش/جارالله الشدي
لآ غبت عنّي يوم جتني طــواري
تشغل تفاكيري وكــل الموآزيين
واليوم للضيقـه بقلبي موآري
ساعة سمعت إن السفر حول شهرين
ش/جارالله الشدي
مآآلوم قلبي يالغلا مالوم قلبي لا أندهش
مدهوش من مده و انا في ذمتي مشتاقلش
والمنيه اللي فالصدر تنهش معاليقي نهش
ليتش طلب يطلب واذا جعتش أسمي وآكلش
ش/جارالله الشدي
تمناها وهي بالأصل ماهي له
وهو مجنونها .. الله يسامحها
هوت غيره ودمعه مل منديله
بكاها كل ما يذكر ملامحها