السالميه - مشعان البراق
الادمي .. كتلة مشاعر واحاسيسأعلّمك .. وانا آدمي يا آدميهان كان لجروح المحبه مقاييسترى جروحي عدّت الجاذبيهتضرب على اوتار الغرام الهواجيسواشتاق لك فالجلسه الشاعريهاقري وش اللي في صدور القراطيسوترفقي يابنت الاجواد فيّهتهشّمت كل الضلوع المقاويسعليك يالرعبوبه الغشمريهاذكرك لاهبت هبوب النسانيسوانتي .. وميلات الليالي عليه !يعني فراق / اعوذ بالله من ابليسبالله اجل .. وش هو له العنجهيهمن كثر حبي لك عرفت الوساويسسجه وطاروقٍ على الشاذليهليتك وليتك مثل ليلى على قيسانا الملوّح .. وانتي العامريهكانك من اللي ملكهم ملك بلقيسومتابعين البوْرصه العالميهانا من اللي للغداري مقابيسحمّاية الميقاف فالجاهليهآهل الوفاء وآهل النقا والنواميسنآرد .. ونورد فوق حوض المنيهماهوب عيب نصير خلف الكواليسالعيب .. ترك سلومنا الاوليّهيامترفه ماكدّرتك الكوابيسنومك هنّي .. وايام عمرك هنّيهحلمك رومنسيات ليل المعاريسوتستوحشين الليله الخرمسيهوغيرك ياكم ذاق العنا والتواعيسوالصبر يامرّه على المكرهيهماقد عرفتي وش حياة العواكيسالفرق واضح بيننا يابنيّهصيفك بواشنطن ولندن وباريسوانا احرقتني سموم نجد العذيهواذا بغيت اسج رجلي على الكيسصيّفت لي يومين فالسالميه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.