قالو زمان ان النصحه لها شان
في ما مضى تعطى عليها مطيه
يوم العرب فيها مجرب وفهمان
ويوم القلوب من الضغاين نقيه
شتان بين الأمس واليوم شتان
رغم التطور والحياة البهيه
حتى التجمع صار تجمع ابدأن
لن القلوب من التوالف بريه
كثر التناحر و اكثر الناس عدوان
سبة هروجا مالها قابليه
تدرون ليه الادمي سمي إنسان
من كثر ما ينسى وكثر الخطيه
وتدرون ليش افلان ما يبغي افلان
عشان كلمه عايله من خويه
يبيع له صاحب ويتبع للشيطان
يصير هذا يا لوجيه الوفيه
فرقى بلا جمعا على زلت اللسان
لحظة غضب وابليس فتنته حيه
كلمه ومنها راح ضايق وزعلان
واللي غلط ما قال حقك عليه
يعني فتح لمقرد الخلق بيبان
اللي على زود المشاكل جريه
اللي تدور للفتن بين الاخوان
سود القلوب مروجة كل سيه
يا هيه لحظه و سمع القول بمعان
نصيحة مبغا وراها جزيه
ترى عترافك بالخطاء قوة إيمان
اسمع كلامي و حتفظ بالوصيه
لا تكثر التبرير وتقول لو كان
على التسامح خل نفسك رضيه
خل الغرور وصارح لنفسك الان
اغنم قبل يغنمك و قت المنيه
لو طال عمرك يا رجل فالعمر فان
ولا خير في الدنيا ما دامت دنيه
فيها اكسب المعروف والبر واحسان
تلقاء الجزاء من عند رب البريه
هذا الكلام اللي له الصدق برهان
اللي ينير اهل العقول الذكيه
قلته وانا ماني على الناس شمتان
نصيحةٍ مضمونها حسن نيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.