أبشر بعزك يالغضي جيت أبشرك
................ جيتك وانا عاشق ضما جف ريقه
وناديت الك ياشوق ما جيت أوخّرك
.............................. ودعني وكلٍ يتابع طريقه
جيتك أباكحّل عيوني واناظرك
................... وأنبش معاك الذكريات العتيقه
من شان أسولف لك بحالي وأخبرك
..................... محتاج من وقتك حوالي دقيقه
أشرح لك الموقف ثواني وأخيّرك
...................... وإختار ما بيني وبين الخليقه
إنت الوحيد الي جرحني وعاذرك
.................... وانت الوحيد الي تنسم رحيقه
لو غبت عن عيني أبنشد وأدوّرك
................. عاشق ضناه الشوق فاقد عشيقه
وخليت انا ربعي على شان خاطرك
................. واعطيت الك كل العهود الوثيقه
وما عاد بعد اليومِ لا يمكن أهجرك
.................. حبي لك أتكوَّن معي بالسليقه
تبي تدلل عاد , ماني بجابرك
................ لكنّ في صدري بلاوي وضيقه
والفرق واضح بين الايمان والشرك
.................. مثل الفرق بين الوهم والحقيقه
لو ناسي الماضي تمهل وأذكّرك
........................ يوم التقينا والمشاعر رقيقه
قمت آتنومس بك واقلّب دفاترك
............. لين الحواس الخمس شبت حريقه
وما زال برقبتي علامات أظافرك
.............. لكن جروح القلب تبقى غميقه
ما ني معاير لا ولا جيت أحذرك
.................... ما عاش مخلوق ويعاير رفيقه
وفي ذمتي ما جيت أبجرح مشاعرك
................. لكن فراقك لا ولا عاد أطيقه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.