اليا اكتفوا بالمال عبّادة المال
حنا بطيّبْة الخصال اكتفينا
الْنا مع اهل الطيب والعرْف مدخال
وعْن الدروب الواضحه ماحتدينا
نثبت ليا مِنّ الدهر بالعرب مال
ولاعُمْرنا من حد سيفه شكينا
نحزم محازمنا وللحمل نشتال
وياما على روس الشوامخ رقينا
بين الشبور الطايله شَبْرنا طال
وباخلاقنا بين الرجال اعتلينا
واحلامنا لوهي عريضات وطوال
نبعد مرامينا ليامن رمينا
وليا دخلنا السوق بجنيه وريال
بعنا بسوق الغاليات وشرينا
مانلتفت للي تلاطم به الجال
مادام من عد الزلال ارتوينا
نبحث مِن الراحه على راحة البال
وبْما كتب ربي علينا رضينا
ونْميّز الاحداث تمييز عقّال
ونَحْسب حساب الكلمه لْيا حكينا
ولاننتقص قَدْر المخاليق مثقال
ذرّه والا منا وعدنا وفينا
حيٌين قلب وللخوي ستر وظْلال
والجار مانهضم حقوقه علينا
ورفيقنا ناقف مِعِه قَدْر واجلال
ونْمدّ له في كل لحظه يدينا
ولايعترينا بالوفا شك وجدال
في كل دربٍ فيه رحنا وجينا
نبني لحاضرنا طموحات وامال
ونفْرض عليه بْجهدنا مابنينا
وليا وقفنا للزمن وقفة ابطال
نكْحل عيون مْدوّر النّقص فينا
هذا طبايعنا على كل الاحوال
اللي عليها فالبسيطه ربينا
ولْيا اكتفوا بالمال عبّادة المال
حنا بطيّبْة الخصال اكتفينا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.