على غيم الشعور اللي يبعثر به نسيم النود
أبحذف مابقى فالخاطر المزحوم و أوجّه
ابي غفوة تنسيني ضحايا الواقع المؤود
وأبي عما يريب النفس تتلقاني السجّه
يقلطني بياض الظن في وجيه الليال السود
وانا لي شيمتن عن دلّها ماهيب محتجّه
اسامر من ورى حدب الضلوع النار والبارود
وانا ما أشكي لو ان ضلوع صدري جا لها لجه
افكر في الوجود اللي يحق آكون به موجود
ياليت الريح تعطيني جناح وتركد العجه
ابا اعانق مدارات الكواكب والنجوم شهود
على كبر الهقاوي والعزوم وقوة الحجه
وابا احرر رهينة حرفي اللي في يديه قيود
واعرف اني بسبب للعرب وافكارهم ضجه
على رؤيتك يالقاضي شريح أنصافنا معقود
من أحزاب الفلاش وذمة الغشاش منفجه
لاني محترم مبدا تجود الناس بالماجود
انا ماضاق فكري والفضاء ماضاق بي فجه
لاقالو من يزود السوم وقف/ قلت عندي زود
اعشق الجوهره لو الثمن من دمي اكجه
ومن ميقات حرف الضاد يأهل الصافي القرهود
أبحرّم بالقصيدة واكتسب في شرعها حجه
خذيني للسحاب وسلميني ياهبوب النود
انا شاعر لكني مستحيل اطير في العجه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.