ياهاجس الفكر جانا للمهمه لزوم
نبا نشيد البيوت افكار ومعنى فريد
اشوف الاف خمسطعش في سمانا تحوم
تضرب على قاع الارض وجت نهار الوعيد
ان جيت أباااها دفاع وان جيت أباااها هجوم
اسري معاها في ليل على مداه البعيد
نكتب جديد البيوت ونااااخذ عليها زوم
الين المعنى يفوح بالمعنى اللي يِفيد
حرفٍ ثقيل العيار ما يعرف ادروب اللوم
ينحسب احسابه ويخلد المجد التليد
بديت بسم الكريم الواحد اللي يدوم
منزل ايات الكتاب الواقعه و الحديد
يا مرحبا يااا هلا مثل السما والنجوم
ترحيب شيخٍ مقامه بين ربعه اكيد
منِيع الله بِن خلف بالطيب دايم يقوم
اسمه الحاله فخر والفخر باسمه رصيد
فيك المراجل بحر وافعالك فيها تعوم
فيك الكرم والوفا و الشور و عقلٍ رشيد
و بسم عياااال الشيخ دخيل الله بالعموم
يا مرحبا والليله ليلة البِناخي و الحفيد
ذوي أشحيبان احزام وياحيهم من حزوم
من ناحي ل بو زياد يِستاهلِون القصيد
و بسم سالم عميد المرجله و اللزوم
يا مرحبا قالها ب لسانه و الها نعيد
أبو بدر بالمواقف سيف و من رِوس قوم
لهم فعل بالمراجل على راس العنيد
وعلا الوصاة و عوايد العرب والسلوم
أنخص الليله ضيوف الحفل و الها نزيد
حي الله أبو سند يااا حي هذا القدوم
شيخ المراجل و العز و راعي راين سديِد
انتم يا عبدالعزيز المجد فيكم يدوم
وافعال تعلا على عرش الفعول و تجِيد
والف مبروك ياااشجاع الليله عرسك ودوم
للفرحه سيره معك دايم ف عمرك تزيد
اسمك شجاع و فعولك مثل ضرب السهوم
ان جيت وقت اللزوم عن واجبك ما تحِيد
حنا السعايد هلا الأفعال و تدري الخصوم
من ماضيات السنين والتاريخ فينا يشيد
حنا السعايد وسمنا المعتدي في وسوم
ينطق لسانه قبل يقولو عنه فقيد
من ساااس هذيل العز و الامجاد و العزوم
قومن لهم في طلوع المجد باسٍ شديد
قبيلةٍ يشهد لهااا جيوش الفرس والروم
يوم المعارك تصطلي من فعلها تستفيد
و للقبايل احقوق و فعل على العموم
النعم فينا وفيهم على لساني و ازيد
واختامها صلو على المبعوث واخيار القوم
صلاتن ما لحق فذكرها عدد و قيد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.