الأخطبوط دامبو

اسمحلي عزيزي القارئ اني اخدك في جولة لقاع المحيط عشان نشوف حاجه لطيفة جداً يترى اي هي؟!! هنعرف دلوقتي
النهاردا هنتكلم عن حيوان من النوع النادر جداً وهو [الاخطبوط دامبو]
ممكن تكون سمعت اسم الحيوان دا قبل كدا او قريت عنه معلومه بسيطه ولو مسمعتش عنه خالص متقلقش في المقال دا يا عزيزي هخليك تعرف كل حاجه عن الحيوان دا
Dumbo Octopuses الاخطبوط دامبو
الاخطبوط دامبو من الطف المخلوقات البحرية واغربها في العالم،
تم تسجيل الرقم القياسي لأعمق أخطبوط دامبو في عام 1950م بالقرب من بربادوس، على بعد حوالي 16،500 قدم تحت السطح.
والاخطبوط دا في منه 37 نوع منهم سبع أنواع اسمهم المظلة ودا لانهم بيشبهوا المظلة في شكل جسمهم،
شكل جسمه صغير وطوله حوالي 20سم، وأكبر عينه اكتشفها العلماء كان طوله حوالي مترين ووزنه 6 كيلو جرام
شكله رخو وملتحم في بعضه وليه 8 رجلين قصيريين،
اما بالنسبة للاناث فبيختلف شكل الاناث عن الذكور ف بعض الصفات من ضمنها ان الإناث ليها زوج من المخالب ودا بيساعدها في عملية التزاوج.
وبالنسبة للونه فهو متعدد الألوان في منو تلات ألوان (الأحمر والاخضر والبرتقالي) وبيعوم عن طريق تحريك زعانفه بالفتح والغلق
بعضه بيعيش في المياه الضحلة، ومعظمه بيعيش على أعماق كبيرة في المحيطات متقلش عن 4الآف متر وبتصل لـ7 الآف متر، ودا بيخلي درجة حرارة المياه منخفضة بشكل كبير جداً
الاخطبوط دامبو عنده القدرة على انو يعيش في الميا الباردة دي
،عنده القدرة على التكاثر والتزاوج عند بلوغه لعمر سنتين وأحياناً كمان سنة
كمان عنده القدرة على التزاوج مع أي نوع اخطبوط وفي أي وقت من السنه.
عند عملية التزواج بيقزف ذكر الدامبو حيوانات منوية كتيرة داخل الأنثى ومنها تتعرض البيوض للإخصاب
بعدها بتضع الانثى البيوض تحت الصدف أو الصخور الصغيرة الموجودة ف قاع المحيط عشان تحميها
لما الأنثى بتضع بيضها هي اللي بتتكفل بحماية ورعاية بيضها حتى الفقس أما عن الذكر فهو في هجرة وتجول مستمر (أب غير مسئول)😅
وعشان كدا فالإناث عندها القدرة على تخزين الحيوانات المنوية من الذكر لفترات طويلة وبتستطيع تخصيب نفسها بنفسها ووضع البيض من فترة لاخرى دون الحاجه لذكر.
بتتحرك اخطبوطات الدامبو عن طريق تحريك زعانفها اللي بتشبه اذن الفيل وبتستخدم اذرعها لتوجيه الحركه
الاخطبوط دامبو بياكل الصدف والقواقع والديدان، وغيرها من الكائنات اللي بتعوم فوق قاع المحيط وطريقة اكله هي البلع مباشرة يعني الاستاذ بلاعه😅 بس بلاعه صغيره، حجم اكله ميزدش عن 2ملي
بينقض على فريسته بقوة ويتغذى عليها بالكامل ودا لان عندو فتحة فم من نوع الراديولا اللي بتساعده على ابتلاع فريسته بدون الحاجه لطحنها او تقطيعها على العكس من انواع الاخطبوطات التانية
اخطبوط دامبو بيعيش من تلات لخمس سنيين.
واضافة لعمره القصير وحجمه الصغير مقارنة بانواع الاخطبوطات الاخرى الا أنه من أقل الكائنات تعرضاً للإفتراس من الحيتان القاتله واسماك القرش الشرسه؛
ودا بسبب بعده نسبياً عنهم ووجوده بشكل شبه دائم في قاع المحيط،
وعلى الرغم من انه معرض للإفتراس الا انه من الحيوانات غير المهددة بالإنقراض.
وفي النهاية لا يسعني الا ان أقول سبحان ﷲ على عظيم خلقه واتقان صنعه 💙

شكراً على قراءتك للمقال📜

لو عجبك المقال تابعني على صفحتي على ال
Facebook ♥
https://www.facebook.com/profile.php?id=100014189626626
«مقال بالعامية المصرية»
#حسام_حمدي