الجادل اللي يمر القلب شارعها
بين الحنايا تعدى ما تطالعني
تقفي مع الدم بعروقي واتابعها
واحس كنها على نفسي توزعني
قامت تبعثر غلا وان جيت اجمعها
اضمها و اتشتت لين تجمعني
بين الحنايا تثنى في مرابعها
كنها تقول اتحدى من يطلعني
دام الحشا بيتها وانا مدلعها
وش دخل القلب يزعل يوم توجعني
وليا خذا رمشها رجل يطالعها
لعل رمش خذاني ما يرجعني
عيونها جيوش و النظرة طلايعها
غارت بصدري و جاز لسيفها طعني
ويوم انكفت لين قلبي من قلايعها
والصبر عن خافقي ماعاد ينفعني
مدهالها القلب و عيوني مراتعها
اموت فيها وهي للريح تزرعني
لو تدري الريح عن هادي طبايعها
ماهزت غصون قلبي لين ودعني
ريحانتي و الغلا بالقلب زارعها
تشرب عروقي و ترواني و تشبعني
كن النحل من رحيق الورد مشبعها
وانا شموخي من احلى شي جوعني
وليا تعانق خجلها مع تواضعها
عانقت ليل على مسراه شجعني
لو ينسري ليلها سريت بايعها
بشر ولا الله عن الزلة مرفعني
واصبحت من عقب ماني ضدها معها
ان ضاعت اضيع وان دلت تسنعني
وان شفت بالعين قلبي بين اصابعها
سجدت لله ..ويالله لاتضيعني
وان جات للجد و اسقتني مدامعها
علمتها الدمع للعشاق وش يعني
الدمع صوت اليا غازل مسامعها
تشوف صوتي واذا مريت تسمعني
والله ماكنت اطاوعها ولا اسمعها
لكنه الحب سمعني و طوعني
للجادل اللي شرايني شوارعها
القلب يقتادني و النفس تمنعني
تمت الإضافة بواسطة :فهد الخرجي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.