الولع شين ياراع الولع لاتكود
روحك اللي تقود المجد ويقودها
ماتخيَرت حب الخيل ورث الجدود
حيَ ورثٍ يرد النفس لجدودها
ماتقل قبلك العليا عليها ورود
وماتقل عقبك البيضى على حدودها
قالوا أنك عشقت الخيل والخيل خود
عشقها يستبيح الروح ويكودها
مهرتك في في تعجرفها تحدى الحسود
لوله ألفين عينٍ ماحوى زودها
لو يفرَق حلاها للغواني يزود
يرهي الماعلى كل الدلي جودها
فلوة الشمس ترفه وين عنها الصدود
حي ماها ومجناها ومولودها
سرجها الريح ويديها سراسيب نود
ونار قرمٍ معارفها من وقودها
وخصرها للغواني مثل خصر العنود
وجيدها جيد جادل لينٍ عودها
سندريلا العوادي مالها بالوجود
كفو ألا أنت سيَدها ومحسودها
كنها من غلاها بالمحاني ترود
تصطفق في ضلوعٍ تبرق رعودها
كن عينك لها سيده ورمشك حشود
لا انثنت شفتك قلبك زمَ بعضودها
منوة اللي يبي طرد السهل والنفود
فارسٍ تحتميه الناس ويذودها
ركضها وأذكر الله ركض ريمٍ شرود
مخطرٍ من حوافرها على خدودها
كنَها تدري انك في هواها ودود
فلوةٍ تقل طفله حلو جحودها
أذكر الله عليها عن عيون الحسود
من حدود البياض لمنتهى سودها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.