يا عيه جوزي عن تذكار ما مضى
اخذي النصيحة وافهمي في سواليه
ليالي فاتت صعيب رجوعها
في داعة الله يا زمان مضاليه
وقت يناسب لي ووقت يغيضني
يا ما تكدر لي ويا ما صفا ليه
طربت نفسي يوم عجة شبابها
مع القلوب اللي عن الهم ساليه
زهرة حياتي في هواهم قضيتها
يوم الليالي من هل الشر خاليه
هذي تعاتبني وهذي تزورني
وهذيك باليمنى وذي في شماليه
بيض العذارى لو عني بهجرهن
كنهم علي في هالسلوب امتماليه
إن أقبلن البيض حطوك سيدهم
وإن كان قفوا ما لهم فيك تاليه
ما أقول فيك قصور يا لصاحب الذي
كامل وعادك تدعي بالكماليه
جازيت بالصده بعد ما ملكتني
وأرخصت لك روح وهي كان غاليه
يوم اسمعتني نطقها من لسانها
جزيت باقي حبلها من حباليه
تقول شايب فايتك غاية الصبا
ما عذربتني كبرت في جلاليه
نسيت عهد الله يا خاين العهد
حل عن سماي ولا توقف اقباليه
جزيت باقي رفقتك من جذورها
دزة رشا دلو عراويه باليه
درب الهوى قررت عنه نهايتي
واشتد حزني يوم قرب اعتزاليه
الله واعلم ويش يصبح بحالتي
لا حلت الفرقى وحل ارتحاليه
مدري تداني حالتي باعتزالها
وا تجي حالي عليه امتشاليه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.