جزى الله الأيام الشديدة بكل إحسان
عرفنا بها خلاننا والدناويه
مشينا الطريق اللي عرفنا به الخلان
وعند الشدايد بان في الناس فرقيه
تغيب رجال شانهم كان عند شان
وتبين رجال يوم جات المعسريه
تكدرت من ناس لضيم الدهر عوان
معي في الوجود ولا لهم ذات أهيمه
أنا كان متحدي بهم فارس الفرسان
وخاب الرجا والظن خابت هقاويه
رجال تمدح يوم عاده كلام لسان
وأنا اعدهم في ساعة الضيق ماليه
كتبنا لهم في السجل في دفتر النسيان
ودفنا نفوس بالمقابر وهي حيه
لرية آدم لا خصيم ولا ديان
ولا لي على باقي المخاليق جبريه
ومن قال أنا محتاج لحد فهو غلطان
ولو زينت له عاد دعواه مقفيه
قضى العزم مني يوم ضاقت بي البيبان
وعيني غدت عقب الشجاعة حشوكيه
رمتني مقادير الدهر والدهر خوان
وأنا كان طل الوقت في بارد الفيه
تصبرت صبر ما يجامل عليه إنسان
أقاسي هموم قد لها ثاني ضحيه
ورفعت الكفوف وقلت يا لواحد المنان
تفرج همومي يا رفيق الخلاويه
أنا بنصح اللي يسمع الوعظ والنصحان
على غير ربي لا يبين مشاكيه
مجيك لشخص ما قضى لازمك نقصان
عسى الله ما يذكرك بالخير من جيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.