عبد الرحمن بن سعود بن مريط البغاشي
يا عيون اشقر مرباه راس الطويل
في طويل الرجوم النايفات اعتلى
التخلاص منك اصعب من المستحيل
رحمة الله على اللي في هواك ابتلا
كل دنياي قبلك كنها حلم ليل
ناسي كل ما قدر صار مر وحلا
ما اخبر لليالي قبل اعرفك جميل
قد بنا الهم في قلبي وشرب وكلا
ارقب الموت قد ودي بيوم الرحيل
ميس معطي دنياي قبلك جلا
لين جيتك بقلب ما نزل به نزيل
اسكني فيه لين اموت واروي غلا
واشربي من قصيدي صفي سلسبيل
اشرق الصبح والليل الطويل انجلا
ورحبت بك معاليق الخفوق العليل
وصفقت لك وفزت لك وقالت هلا
ابشري بالوفا والله يذل الذليل
عزوة معرب ما هيب عزوة خلا
وصفحة الحب في قلبي تراها سبيل
لك وعنوانها لا للردي والف لا
عارف قيمتي عندك ولا ابغي دليل
اعشقك لو يسبونك جميع الملا
واثق فيك ومصدق ولا ابغي كفيل
الليالي شهود والنجوم كفلا
يا وجودي على لاماك وجود الدخيل
كل مني ذكرتك يا ضبي الفلا
جلسة معك تشفي خاطري لو قليل
وان تفارقت انا وياك جاني بلا
في غيابك يجي في القلب هم ثقيل
لو يوزع على نجد العريض امتلا
ليت قلب العنا عن درب حبك يميل
كان اعيد لا منه سج عنك وسلا
ان توفيت من حبك وقالوا قتيل
لا تخافين قبلي في الغرام قتلا
وان نسيتي غلاي وجا مكاني بديل
فاستمري على طبعك زمان اولا
امسكي راية الحب النقي لا يميل
والله يستر عليك وسلي لي على
مرقب العشق جعله ما يزله مخيل
واذكري وش طلبك اللي عطاك اولا
وامسحي صورة علقتها في سهيل
والوعد معك لا شدت هضاب ازيلا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.