قلت الأسامي ترا يابنت ماهي شعار

لـ عبد ربه عتيـّق العازمي العتيبي، 19/08/08 02:50:48 PM، في غير مُحدد

قلت الأسامي ترا يابنت ماهي شعار - عبد ربه عتيـّق العازمي العتيبي

عبد ربه بن عتيّق بن سالم العازمي العتيبي
قلت الأسامي ترا يابنت ماهي شعار

الرجل يعرف بطيبه عود وألا ولد
كم واحدٍ عفتي إسمه لو فعوله خيار

وكم واحد إسمه فهد لكن ماهو فهد
وأنا سواتي كذا بالغصب دون اختيار

كله على شان مايدري بالأسرار أحد
لني هويت الهنوف اللي هواها دمار

عشقتها عشق صادق واخلفت فالوعد
لو إن ابه غيرها دورت في كل دار

لكن مافالبلد ياكود هذا الولد
وأقفت وأنا مالي ألا الصبر والانتظار

ماوالله أعشق سواها لو يطول الأمد
وأخذت مدة وجاني علم تالي النهار

قالوا عشيقتك من حامد تروح لحمد
قلت الله الله على جور البني الصغار

تحبك السبت وتخونك نهار الأحد
وأنا رجل وأعرف اليمنى وأعرف اليسار

ماحسب حساب الضعيف إن قام وألا قعد
ربعي لهم في سنام المجد عرش و و قار

من يلتجي في حماهم عاش عيش السعد
(حايل) و (عايل) بقبضتهم شملها الدمار

يابنت كلٍ لماضين الفعايل شهد
من غير زودٍ عن الشجعان فنحا الديار

ما يخفي النور غار اللي بقلبه حسد
عبدت ربي عليم صغارها والكبار

الواحد اللي له المسلم ركع ثم سجد
واساله العتق من نارٍ حطبها الحجار

ياربي اجعل لنا منها وعنها مصد
يابنت هاذي تراها قصتي بختصار

فهمتي الشرح وألا أعيدها (بالعدد

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.