هلا ياليل (من يسري) بليله صوب محبوبه
هلا يا جامع قلوبٍ.. تحرا جيتك يمّه
هلا يا مونس الساري.. هلا يا مشعل دروبه
يجيلك من فقد عطف الزمان.. ويرمي بهمّه
يجيلك من شرب حزنه.. وهمّه لابسٍ ثوبه
يجيلك من ترا حاله من الأقدار منسمة
يجي يشرح لك أحواله.. يجي يشكي لك هروبه
هرب صوبك وهو خايف يدينك تعتذر ضمّه
يبي يطرح معاناته.. ويعلن عند التوبه
لقي الشكو على غيرك.. تصير من البشر نمّه
لقي لونك مثل حظّه.. ومنك أفراح مسلوبه
زبن يمّك عن مواجه جميع الناس ملتمّه
عطيت العهد والذمّه لمن قلبي خفق صوبه
وش الإنسان لامنه فقد من داخله ذمّه
يتحراني حبيب الروح.. وله الروح موهوبه
تحت جنح الظلام يسير لأجلي ماحدٍ همّه
واجي عطشان لعيونه.. أجي مشتاق لاسلوبه
يتراوالي وأنا معها.. ملكت العالم بكمّه
بعد عمري.. ترا عمري.. لعينه والعمر نوبه
أضحي لأجل خاطرها.. وأورّد ضاميي جمّه
هلا يا ليل يا ساتر على العشاق وعيوبه
هلا يا جامع قلوبٍ.. تحرا جيتك يمّه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.