ياخـيـّـتـي

ياخيّتي هذا الزمان التافه
خلاني أتعرّف على طُُرّافه

في ليلةٍ عقّال أهلها قِلّه
هاجه وسمّاجه وضيم وآفه

منا تجي خطمه ومنا لطمه
لاوالله إلا شغّلوو المِحذافه

والماقف أللي تعّسُره شيبانه
وتغيب عنه ؟ تحوفه الحوافه

والمجلس أللي فيه عشر أشدّه
عجزت لاعّرِف هامته وأطرافه

والعارفين (أشدادهم) مايُثّنا
لاصرت راعي مشيخه وعِّرافه

ومن لاخذو شوره وهم في بيته
لا تحسبه ولا تعيد تخافه

تدرون ؟ يارجلٍ بليّا هيبه:
ماينحفظ قدره ولا ميقافه

لوكنت ذا مالٍ ولا لك سُلطه ؟
خليفةٍ لكن بدون خلافه

ياحبني لك يالقصيد الشعبي
من بحره لقيفانه لمحرافه

أملك من الاشعار مايجعل له
فى الصدر بنك وفى الجما صرافه

نغمة قوافيّه تهيّض سمعي
على نغم تسلّسله ولاّفه !

يهبني هبه ويدرج سيله
أعّرف مضمّرّته ومن عُسّافه ؟؟

أحيان ياخذ وهفتي من وقتي
عشرة دقايق00 لاصدق وهافه ؟؟

وكثيرته يومين لا طوّلها
ألاحي المشرف على مشرافه

ولايقال إلا لعينا مطلق
هيّابته ياكثرهم وحّلافه

ولاّ لصرفٍ من صروف الدنيا
أشين من صروف الزمان إنكافه

تهب فى الميدان هبّة موته
ماهيب لا نسمه ولاهفهافه

تمر في صدر الشجاع الصامل
وتجنّب أصدور القصب وحشافه

ولاّ لعينا الشايخ المتشيخ
على النهر منابعه وضفافه

سلطان صدري حاكمٍ سلطنته
قابل سمانه بالهوى وعجافه

مشتتين الشمل يا فرقاهم
يامال فرقا العالم المنعافه

منهم ومن نماتهم ياغالي
ومن الشقاء وشفاقته وشعافه

مجار ياشوفي وممشى جوفي
ياهيف زرع الصدر ياميلافه

شفني بدونك ضايعٍ في غبّه
باقي على راس الغريق اكتافه !!

أنا أعرف إن لوكلهم حبوني
نصف المحبه غصّبةً 00وكلافه

حبٍ معه شِكه ورسم وخطه
أفضل لي إنسى عدّلته 00و00نصافه

أتصدق أني ما شبحت أخلافي ؟
إلا لصاح ابوي يامن شافه ؟

مفصول عندي من زمان الريوس
الراس لاريوس ولانسافه

يسدني عن زلتك يا غالي
عذرٍ جميل ونبرةٍ شفافه

ولابقى إلا أهلّها قدامك
دمعة عزيز كم لها منرافه ؟

(ملّحتك فيني ماتبكي عيني)00
(وملحتك ماترضى علي إهزافه) !

ولاتخليني أدربي راسي
أسوقها هجافةٍ سجافه

أبي حنانك طول الله عمرك
اغلا (نموناته) 00و00(اعز أصنافه)

مابي حنان كنّهم معطينه:
وزارة التعليم للكشافه !!!