القصيده التاليه بعث بها معالي الامير محمد
بن احمد السديري للشاعر عمير بن زبن عام
1386 يسال عن والده زبن بن عمير لعلها
تثيره لقصائد الغزل
ياعمير خبرني عن العود هو تاب
وقضب طريق ملفلفين العمامه
واعرض عن الزينات تلعات الارقاب
وعود معيف وطالب ٍ للسلامه
والا يصافح لاجلهن كل مرقاب
وعلى هوئ قلبه تشيله عظامه
من اول ٍ سرحان عادي ونهاب
ودايم من الغارات تنطف الكامه
واليوم مادري وش جراله بالاسباب
ماعاد نسمع بالعذارئ غرامه
والحروه انه قاري ٍ قروة الداب
وحتئ خرزها ناظمه في حزامه
لوهو يتم الخمس في كل محراب
باق ٍ بقلبه من هوئ البيض شامه
الله يخون البيض غضات الا شباب
حطن في هاك البراطم علامه
قله نبي منه البراهين بكتاب
وحنا نميز غايته من كلامه
وياعمير قله مانسيته ولا غاب
لو هو في العارض وانا في تهامه
***
فجاوبه عمير بن زبن بهذه القصيدة
ياشيخ ياحلال عسرات الا نشاب
ياللي حويت المرجله والشهامه
ان كان تنشدني عن العود هو تاب
ومسك طريق ملفلفين العمامه
افيدك انه تاب وللرب اناب
واظهر على مافات منه الندامه
غض البصر من يوم شاف الشعر شاب
وخلئ طواريق الهوى بانهزامه
ماعاد له بملا قف الصيد مضراب
لو يعترض قدام عينه نعامه
العود يوم انه يبا الصيد ماهاب
يلقف لهن مع كل نابي عدامه
واليوم تاب وخاطره بس ماطاب
الى ذكر بالكف رفع اللثامه
وده بطرد الصيد مع كل مهذاب
لاشك خال ٍ الفشق من حزامه
يخاف تالي العمر من عضة الناب
ثم ان تصير مع العلامة علامه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.