قصيدة سلطان
انا ياغازي فالتجارب تعلمت
صحيح من قال التجارب براهين
فأحبال ناسً زيد فنيو تلزمت
احسب ورا المقفين ناسً مقيمين
وعندي ثقه لاقمت والا تكلمت
ان الاسامي تحتميها المسمين
واثر الامان ونعمة الدين والصمت
تستر لها ناسً من الستر عارين
عليك ياالميت حزنت وترحمت
وازرا يضم الطرف ماجابت العين
يوم اتذكر بعض الاشياء تندمت
ياوجد حالي يازمان المقفّين
عزالله اني من زماني تألمت
وعرفت ويش الفرق بين الذويين
عندي خبر ياوقتنا ويش قدّمت
واللي بقى هو زين والا بعد شين
***
رد غازي
سلطان يوم اني على الدله اظرمت
قطع ظرم راسي بسبعة فناجين
بأذني وبأحساسي لفنجالها اطعمت
محكورةً تجمد على شارب الصين
ويللي لدلة سحر الالباب لقمت
وفيها جمعت اوصاف عايد بتقنين
من غيرها لاذقت فنجال كرّمت
الا مثلها مير هي مثلها وين
وياللي على زمان الاجداد هايمت
من يوم شفت وعفت من جيل الالفين
وقتن على الطيب مثل ماتكرمت
تغيّرت فيه الشيم والقوانين
مدري لفاني علم والا تحلّمت
بعض الحرار اعيالها جت كراوين
مالو عن العادات والدين والسمت
ايسار والا اسلافهم راحو ايمين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.