غصن الهوى

لـ فيصل بن نوطان، 01/06/07 05:31:28 PM، في غير مُحدد

غصن الهوى - فيصل بن نوطان

سمحت من درب(ن) كثير المعاناه"
"ماعاد لي بحب(ن)يفوق إحتمالي

من شاف حالي حٌزن وقال عزاه"
"قدهو على وشك القضا والزوالي

معا حبيب(ن)عذب القلب رجواه"
"ثم إكتشفت إنه نوى سرف حالي

يروح في دربه عسالله يرعاه"
"الين يلقا له حبيب(ن)بدالي

يعطيه كاس(ن)خالط(ن) داه بدواه"
"أوله حلو(ن) والبلا في الحثالي

أزعلت كل الناس لجل اكسب رضاه"
"ولاهقيت اني باشد الرحالي

عن ديرته والله ولاقلت بنساه"
"لاشك حبه غيرته الليالي

غره كلام الي يعدد مزاياه"
"مايدري ان الي حكاله حكالي

العاذل الي فرق الشمل بحكاه"
"حرام يجرح خاطري والغلا لي

من اول (ن)غصن الهوى جاري(ن)ماه"
"واليوم ماله من يباسه اضلالي

خيبت ظن الي يحبك من اقصاه"
"وارخصت روحك عقب ماكنت غالي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.