قلت القصيد,وقال:لبيك لبيك
على مثل عبدالله أتعب خيولك
من قبل لا اشوفك وأعرفك وأحاكيك
أسمع من أفواه النشاما فعولك
كل مدح فعلك عسى الله يعافيك
والناس لولا فزعتك ماعنولك
مافيه مجلس ينذكر فيه طاريك
إلا ورواده بطيب اشهدولك
جيتك وأنا أسمع فيك من قبل ماجيك
ودخلت قلبي بس من شفت زولك
جيت ولقيت إن التواضع سمه فيك
عرفت منها وش سبايب قبولك
وأحترت..مدري ويش أقول بمعاليك
والشعر يقصر طايله ما يطولك
المجد يتبع يابو راشد..خطاويك
كنه لكل الناس يعلن وصولك
الطيب مثل ظلال زولك يباريك
وافق ميوله يابو راشد ميولك
لله در الشايب اللي مربيك
ولله در اللي بعد صوتو لك
مافيه طيب ماتمنا يخاويك
لو شفت في قلبه مكانك يهولك
أسمك جمع ناس وقبايل حواليك
ومدوا يديهم..لكريم ودعولك
والطيب يلقى عندك وفي حراويك
وإلا..وش اللي يجمع الناس حولك
كم واحدن وده بطيبه يجاريك
حاول ولكنه تثاقل حمولك
إن كان بك عذروب عيبك تماديك
بالطيب..وأفعالك تجي ضعف قولك
هذا بعض شعري وصف بعض مافيك
الشعر شعري..والفعايل فعولك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.