قم يانديبـى

قم يانديبى على كور العمانيه
د رعيه من بنات عصيل مجناها

ورث لشيبانا ماهى مشريه
لكن غزينا على عمان وخذيناها

مكسب ولد شيخ قوم يحتمى الهيه
صبي على مجرى الهياب ضواها

وصوفها يوم اوصفها خياليه
بسم الله ابدا واوصفها من ادناها

كنها الى غرد الركاب ريميه
ريميه ذيروها من مفلاها

وفيها موارى دلع بنت هواويه
تدجر على الصوت والترويح يشعاها

وفيها من اطيب بنات الريح ماريه
وفيها من الذيب اذانيها وعلباها

ون درهمت بك مع الارض الخلاويه
والليل حاديك وديارك تمناها

شيهانه من علو الريع مدعيه
صقارها غل ملواحه وناداها

اصيل مادق فيها عرق حزميه
مانوخة للبعير وتخطراها

مذخوره للمشاويرالخصوصيه
من شان لا كلت الانياب نلقاها

يالله يالله تامنها من السيه
وتدخل احماك راعيها وتاقاها

مافوقها الا قنابل شعر ذريه
بارودها المسك والعنبر شضاياها

واقصا ماتاصل من الوادى جنوبيه
مقصودها ام العراد ولا اتعداها

الديره اللى بفعل الطيب مسميه
يرتاح باله وينسى الهم من جاها

تنصى لبيت طويل وجه راعيه
ياعيدها من قسا الدنيا ومنصاها

والى يذري ذ راه وفيته فيه
لا جاته الناس ظلها وذراها

ياشيخ انا جيت لى مقصد ولي نيه
تحدنى لك ظروفى وتحداها

محتاج لي فزعه ماهي بعاديه
الا على اللي علوم الطيب يبغاها

له جسم مايلين وقو شخصيه
روس الرياجيل يامرها وينهاها

وله قيمه عند حكام السعوديه
ماهوب من ساير العالم ولا ادناها

عقيد قوم معربه عزاويه
عاشة سلاطين يام وعاشت اسماها

ذكرت مانع وتل الشعر طاريه
وجات القصيده على مدحه من اقصاها

وقام يحدانى قصيدي فى معانيه
حى الله اسمن بيوت الشعر واقواها

هاذيك هاذي لاوالله غير هاذيه
جواهر في طريقي واتنقاها

وامدح بها شيخ قوم نارها حيه
عكفان الاشناب جعل اللاش يفداها

لا الضاعن سروج الخيل عجميه
تسهج حما الناس وتعدي عن حماها

ربع لاحمى الوطيس وكبرت الهيه
تشرب وتسقي من الجمه مطاياها

والبل الى كل ريع سال واديه
ترعى بهم كل قاع زان مرعاها

ابل جنبها ام فتخه وام ربيه
من طمع فيها يجيه الموت ماجاها

قولوالمن ضيقت به لارحم حيه
ينشد عن ام العراد الين يلقاها

اميرها شيخته ماهي بعاريه
ورث لجده وزاهيته ويزهاها

خذها بيمنه وسيف وحد جنبيه
وهقاوى ماتبور الي تهقواها

واللى بغا البل غزى الدار الجنوبيه
ولا هى غريبه عليه الى تقفاها

ياما خذاها بحد السيف جبريه
وياما لحقناها لا خذاها وخذيناها

ماعقب الريع خيال الفداويه
يوم كثر الخيل معطيته مقفاها

لو كان ذوده على البير الشماليه
من ضرب صبيان يام اقفى وخلاها

لين طلعت من خبا البنت السنافيه
طرقا كن الشمس تشرق من محياها

حنا مجانين والبنت انتحاريه
تقول من يبغي الحبه وجيناها

احلم يامانع تراها جات عفويه
خلنا نتمدح بامور مالحقناها

ماجيت اعيد السوالف الاولانيه
غير القصيده كذا لارحم مجناها

احدها فى شفوف الناس ومعيه
سرت علي غصب ماحددت مسراها

ياشيخ مادار حولك شك موليه
يكفي الجمعه فخر لاعدت اسماها

عند البدو والقطاعات الحكوميه
وملوكنا اللي يوقف الامر لا جاها

ونا الشمالي ولي مقصد ولي نيه
محتاج فزعه وهاقي فيك وابغاها

ياريف ربعه وجيرانه وعانيه
تعطي يمينك ويعطي من عطاياها

تكفى يامانع ومعلنها اعلانيه
ياثقل تكفى علي وكبر معناها

بغيت لي من ولاة الامر برقيه
يرتج عيد الكدادي قبل يقراها

ياشيخ تصعب علي الرديان والعيه
للي لاضاقت على مثلى تعداها

ولانت مقدم رجال وذات اهميه
وتحصل الناس عندك حل دعواها

والوقفه اللي تجى جوزى معذريه
من صوب مانع ترانى ماتحراها

ياتقولى تم والمطلوب جاهيه
ولا تقول انسها ياشيخ وانساها

مالحقنى شك يامى عند ياميه
واعتز فى يام وافخر فى حماياها

وقد قيل لمكثر الروحات والجيه
اللي يقدم علوم الطيب يلقاها

شاعر مفوه ولد جنى وجنيه
باسمك بنيت البيوت وزان مبناها

عصما من المدح موزونه ومقفيه
ابحربها لين اعرف حدود مرساها

يملا صداها القنوات الفضائيه
ماجابها شاعر غيري ووداها

وارسلتها لك على كور العمانيه
وأبغيك لاهنت تسمعها وتقراها

تمت الإضافه بواسطة:ابن كبشان العرجاني