حمدان حبْ لي راس ابوي ان جيته
وقله : لا يحمل هم من زلّوبي
الطيب يكفي مده ومديته
واني على دربه مشيت دروبي
ولا يهمّه صاحب ٍ عديته
في ما مضى اقرب علّي من ثوبي
ف المرجله والطيب ذايع صيته
ما اقدر اذمّه واكسبه ف ذنوبي
لو حلفوني حلف ما ذميته
لاقول والله ضامنه ف جيوبي !!
والمشكله على البشر بديته
وف اللازمه صد وترك ماجوبي ؟؟
على آخر ايامه تردّى ليته :
حشّم بقايا عمّره المحسوبي
يا كبرها بحقه اذا مريته
بيشوف تقصيره معي عذروبي ؟!
على العموم الاخ ( ذا ) شلّيته
من بالي ويانفس عنّه توبي !
حمدان راس ابوي لا حبيته
خلّك اوّزانه سمّعه مكتوبي
قله : محمد قال : فآخر بيته :
(( لا يستضيق وربعنا هلّوبي ))
يا كم وفي ٍ بالوفا جازيته
بنفس الوفا جازاك في مطلوبي
وقله محمد مثل ما وصّيته
على يدك واسلوبي هو اسلوبي
وان الشعر يبطي وانا ما اخطيته
هزله عدوّي و اجزله محبوبي !!
وانه طرالي ذا المسا واهديته
بيتين صاروا ( مشرقي وغروبي )
لو كل شخص اصادفه خاويته
ما كان لا جيت العرب فزّوبي !!
ولوكل مايطري علي سويته
غطا على طيبي كثير عيوبي !!
واسلم وسلم لي عليه ان جيته
والله يجازي كل من زلّوبي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.