صــدة المقفيـــن

انا بدي أغني طرب والعرب ممسين
لكن قلبي المرجوج ضايق ولا بده

أيلا من تغدى خالي الهم أبو قلبين
انا كبدي تعيف الغدى جعلها الغده

انا طرقي يرجي زمانه عساه يزين
ويلامن حصله قوت يومه نسى غده

ياقلبي لامن ضقت أش الضيق للمسكين
ويادمعي لامن سلت أخ والمرجله هده

وياعجمي لامنك طحت تكفى تطيح بزين
أبا طيحتك طيحت شجاع ٍ ماهوب وده

وانا مانيب غشاش و الناس غشاشين
ولاجيبها من حد والناس من حده

لكن علم اللي يكتب البيت والبيتين
الا سنع الضمه تبلش مع الشده

من البارحه واللي وراها ويلا ذلحين
وانا الشاعر اللي يطرق البحر ويقده

تقلدني الغاوين لكن وش الغاوين
لونها بتقليدي الى غبت مع سده

على الشيخ جاسم ودي أرسل كلامٍ زين
لكن موتري مكينته تشتكي حده

ودور على جمسٍ ولاهو من الألفين
لكن خمسه وسبعين ومغبرن شده

قد أستخدموه بشغلت القات والهروين
من أول يوم أن اعصاب ذالناس منشده

ولافيه ملكيه ولانمره وتأمين
ومع بندر بن سرور قد راحله مده

ولاهو أبو شكمان لكن شكمانين
يحد الشبح بس الشبح ماهو يحده

ورفارفه حول البدي كنها مابين وبين
الى من شحطه ثنين راعيه ثم هده

ردايف هنوفن تلبس الجنز أبو خطين
أبيها ماهو مضبوط والأم مرتده

اسوقه انا والا حدا خواني الغالين
على شان ياصل علم من شيخ ويرده

ترا الشيح جاسم بن حمد من عرفته لين
هذا اليوم لين أموت أغليه ووده

ولي الفخر في كل توقيت والا حين
يمثل تميم أبحزة الضيق والشده

هذا الأدمي مخلوق من نور ماهو طين
يشاعرك من جده والى ارضاك من جده

ادور على شوفه ولبي وأقول أمين
وعلى صحته ورضاه حتى على سده

عسا السد فاول شوط يكسب ثلاثه ثنين
أشجع مع الجمهور وانا مالي شده

لكن ياطويل العمر عن طعنت السكين
مقامي عزيز ونفسي أكرم من المده

ترى من حقرني عند قصرك قبل شهرين
ماهو من هل العليا ولامن هل الرده

ياشيخ الهوى لامر خضر الغصون تلين
لاكنه لو يعرض على الضلع ماقده

وانا بين عرقين... المرظف... وأبن حثلين
مانيب صلبين ويش خاله و وش جده

الى رحت صوب دبي وان جيت صوب العين
انا سمعتي بين الرجاجيل ممتده

لون الفقر وصدوف بقعا وضلع الدين
ترد الكريم من المواجيب وتلده

لكن بالعزوم اللي لها القاسيات تهين
نوطي على خشم أسود الوجه ونضده

نحشم الصداقه وان فزعنا نجي عجلين
على موقفن ماكل رجل ٍ يجي قده

ترا صدة المقفين عادي وهم مقفين
لكن صدة المقبل الا أقبل هي الصده

لاكنك طويل العمر وانا من الوافين
وذي ميزت العجمان في كل مسوده

تمت الإضافة بواسطة : ابن كبشان اليامي