في تالي ليل{ن} حزته غفوت الناس
كل{ن} غفا في مرقده في محله
سامرت ليل{ن} جابلي هم هوجاس
ودنيتلي من صنع رسلان دله
فنجالها من ريحته يقعد الراس
بنن ومسمار{ن} وهيل{ن} مزله
امركبه في صنفها تجلي العماس
وهي دوى راس{ن} همومه معله
عند المشب ماحولي ناس{ن} ولاجناس
الاسنا سمر{ن} تلاهب في مله
يابو محمد عانق الروح وسواس
وش حيلة اللي فاقد{ن} شوف خله
في قلبي مجلاسه وهو خير جلاس
هو نور قلبي هو ربيعه وضله
يابو محمد دونها سيوف وحراس
مهي من اللي كل سوق{ن} تدله
يليت ابوها عمي وساس بساس
ولا يليته خالي وبناخيله
مكان ذي حالي حزين{ن} وحساس
اناظر الدنيا بنفس{ن} ممله
يحر جوفي كل ماهب نسناس
ريح الشمال اللي هواها فدله
لاياوجودي وجد قطاع الانفاس
اللي حظر موته ولاحد{ن} فطله
يهيه يلي غارس{ن} قلبي غراس
ارفق بحالي وقلبي اللي تتله
من عقب شوفك عقلي براس منحاس
مغيرك اللي يبري حالي ويعله
حكم القدر سقاني مر{ن} وفي كاس
يابومحمد خذ جوابي وقله
قله محمد للمنيّات عساس
ونكان لمتّه المنيه تحله
كتبت انا شعري على صطور قرطاس
اشكي عليهن وشكاوي على الله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.