"جابر العثرات"
قصيدة لشاعرنا في مدح الأمير المفدى يقول مفرح:
سلام يا عز الكويت وذراها
يا درعها من كل غاصب وغدار
يا جابر العثرات حامي حماها
يا نورها لاغطلست فيها الأنوار
أنت الشجاع اللي رفع مستواها
وخلالها بين المخاليق تذكار
رسم سياستها وطور بناها
وعمت شوارعها الحدايق والأشجار
تزخرفت بالخير وأبعد شقاها
وغنا لها طير السعد بين الأقطار
لبست ثياب العز وأشرق سماها
في عهدكم يا شيخنا وافي الأشبار
هي أمنا اللي ما لحقنا جزاها
وجابر حبيب الشعب والوالد البار
مشا مشاريع لشعبه رضاها
وخلا فقاراها يصيرون تجار
يمنا كريمة ما تشح بعطاها
مليون عنده كنها ربع دينار
خلا بلدنا ناعمه في رخاها
وارخص بها كل البضائع والأسعار
من صكته سود الليالي نصاها
يصبح بخير عقب ما هو بمحتار
يا بو مبارك يوم ذعذع هواها
اصعد بها يم الثريا والأقمار
واضرب بسيفك من عصاك وعصاها
وادعس على الكايد ليا صار ماصار
الشعب كله من فداك وفداها
من دونكم نرخص ثمينات الأعمار
شعبك على الواجب يلبي نداها
مواقف تعرف على دوس الأخطار
تمت وصلوا عدما أمطر حياها
على الذي نجاه ربي من الغار
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.