في مدح المرحوم الأمير سواد بن فايز بن ظمنه المطيري:
ياراكب اللي يقطعن الخرايم
هجنن من الفرجه يجيهن خفاخيف
فج العضود محجلات القوايم
وبطونهن مثل السباع المهاريف
لا كن خبط خفوفهن بالمحايم
خبط الغشين اللي سحابه مقانيف
ارخولهن حبل الرسن بالهمايم
واخذو عليهن يالنشاما غطاريف
تلفون ابن ظمنه قوي العزايم
سواد خيال البكار المشاعيف
عوق الخصيم وستر سود اللثايم
ليا حل في تالي المظاهير تجعيف
من قو عزمه ما يهاب العظايم
يارد ولو قدمه رمات نواتيف
يشهد بفعله لابسين العمايم
ويشهد له البارود والرمح والسيف
وإليا اعتزا بعشواه والحظ قايم
يجمع مواليف ويفرق مواليف
ترعا به العشوى نبات الوسايم
من وادي الباطن إليا أقصا المشاليف
له رفة يفطر بها كل صايم
تضفي حسانيها على الجار والضيف
ودلال صفر فيهن الهيل عايم
دايم على جمر المناره مهاديف
ونجر ليا دنه صحا كل نايم
يطرب لصوته كل من يشرب الكيف
وصحون تعرض للوجيه الحشايم
يرمي بها حيل شحمها شحم ريف
ردو سلامي يم جال اللوايم
ابو محمد لا حصل له صواديف
وإليا نشدكم علموا بالعلايم
قولوا ربوعك ماعليهم تخاليف
ومن بعدها حثو لهن بالولايم
ثم اذكروه بخير يا هل المواجيف
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.