هيه ياللي تتهمني ليه ما سقت البشاره
هيه ياللي تدعي بن الخطأ شر البريه
والله اني عقب راس طويق ماجي بأنحداره
كان ما هبت على راسي رياحن موسميه
والله اني متكل بالله ودايم فالصداره
ولا خطيت بساقي اشكر ربي وفضله عليه
وكل رجلن لا عطت يمناه ما تدري يساره
بس انا لاجيت قسمي تنثني دونه يديه
ومن ترك شين لوجه الله ترا ماهو خساره
عوضه ربي بغيره والعوض بالأفضليه
والله ان قدلي ثلاث ايام بكتبلي عباره
واختلط فكري وهلت دمعت العين الشقيه
يا وجودي وجد شيخن محتمي في بنت جاره
ماله الا ضيقت الخاطر وطعناتن قويه
لا تذكر سلم ربعه والعوايد والنعاره
وفي حديث المصطفى محمد تعمق فالوصيه
والله انها في خفوقي تصلي الكبد بحراره
لا طريت الوقفه اللي حقها واجب عليه
ولاطريت الجادل اللي عينها تقدح شراره
وعنقها عنق الغزال وهقوتي احلا شويه
والشعر لامن تنثر كنه الليل وستاره
والعيون ان سلهمت لي تطلق سهوم المنيه
كنها لاجت تثنى تنتظر مني اشاره
والذهب لاسال من فوق الخدود المخمليه
والله اني ما استخرت ولا عرفت الاستخاره
كل ما هب الهوى من شرق زاد الشوق فيه
والله اني فالبحر ماهمني عمق وغزاره
ومن خطاي اني تعديت الحدود الساحليه
بدوي لا تولع يلحق الغاره بغاره
ينحي له سيف عنتر لا تعزوا بابدويه..
ولا عشق يعشق على طنخات راسه باعتبارة
من ضمن عنتر وقيس اللي جفته العامريه
والله ان العشق للرجال ياتي بانحدارة
لا طلع من سلم ربعه والعوايد والحميه
ويش عاد ان كان شيخ ومحتمي في بنت جارة
رحمتك يارب عبدك لا ارتكب ذنب وخطيه
بواسطة العضو : عبدالله بن جمعه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.