النصيحه. لـ نادر العماني

النصيحه - نادر العماني

يامحمد صاحبي:شكراً على تلك النصيحه
يامحمد:وأنت تنصحني..أحس إني يهودي!!

يامحمد:فرق مابين النصيحه والفضيحه
يامحمد:حاول إنك ماتعديني حدودي

أنت لونيتك يامحمد معي فعلاً صحيحه
ماجمعت عيون خلق الله على صدري ورودي

وأنت تدري بالبشر ماهم على نفس الشريحه
لو تصير السود بيض ولو تصير البيض سودي

والشعر ماهوب ذنب مالقى عفوٍ يبيحه
الشعر مني ومن دمي ومن سالف جدودي

الشعر لو يغني الشاعر مليحه عن قبيحه
مارسم بيته على شكل المحاجر والقدودي

أنت ماتدري عن الشاعر وعن عين المليحه
نظرة تورد حياض الموت وتبيح السدودي

كل شاعر لو لقى له درب واحد يستريحه
مارمى نفسه على درب المتاهه والصدودي

شاعر ملي البصر والسمع حي في ضريحه
وشاعر يمشي مع الأحياء وكنه باللحودي

كثر ماجاد الغمام وكثر ماجادت قريحه
ياهوى بالي على أيام الغرام ويا وجودي

كل مايطري على بالي شذا ورده وشيحه يستحير الدمع في عيني وأصده عن خدودي
يامحمد وأنت ماني منك محتاج النصيحه أنت ما أنت محمد الهادي وأنا ماني يهودي!!

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.