الـصَـنَــــم ..!!

يا رجل عن دار عبّاد الصنم فضّي
فضّي يرجلي وخلّي فضّتك فضّة

ويا عين عن كلّ عورة غافلٍ غضّي
والاّ ابتليتي وعنك الطرف ما غضّه

ويا نفس عن ما يدنّس شيمتك جضّي
جضّي جضيض افحجٍ حسّ الوَنَسْ جضّه

وحُظّي على من يسدّ النايبة حُظّي
حرٍّ يدورج قصير الريش ويْحُضّه

في ذمّتي ما على المقفي دَرَج فَضّي
الاّ على من على شوفي دَرَج فضّه(1)

ويا نفس في ذروة المجد العلا نضّي
نضّة حرار الوقار النضّة النضّة(2)

ومن كلْ مصافح وَصِخْ يدْ يا يدي وضّي
يا مْصافح النجس كفّك نجس قم وضّه

قصر الخنا ما جذبني لونه الفضّي
ما ابغاه لو طرّزوا مبناه بالفضّة

بيوتٍ الاّ بيوت العزّ تنقضّي
لو هي حديدٍ سرع ما تْجيك منقضّة

وليد يا مسندي ما مضّني مضّي
الا زمانٍ يمازح دابه وْرضّه(3)

ومن فعله الوجه مسْوَدٍّ ومبيضّي
وبافعالها الناس مسودّة ومبيضّة

عند اختلاط الزهر حلوٍ ومحْمضّي
تظهر لك التجربة حلوه ومِحْمَضّة

وليد شوفة رفيف البرق معْرِضّي
تعرض بروح عروض اعْراض مِعْرِضّة

ناب الدهر عضّني ثم كضّني كضّي
وقفّى وقفّيت اعضّ المرّ وآكضّه(4)

وقتٍ يبي في مثل (سعن مْحَثَل)خضّي
هيهات ماني قطاة ادناة ما خضّه

وقتٍ بلاظيه قام يْلظّني لظّي
لاظي تلظّى ومن لاظي لظىً لظّه

وقتٍ ليا شضّ شاضي شضوته شضّي
اظهر شظو ساق شظو الشظو ما شضّه

روضٍ بدبدب دبا حنّان مكتضّي
قلبً هجوسه تجوسه جوس مكتضّه

وغافل زمانه يِحَسْب (الضوّ) مثل (الضّي)
ما ينبه الاّ وقد ناب الدهر مضّه

وقتٍ ملى بالحصا كفّه يبي رضّي
وبجاه (ألفْ لام ميم) ارضيه وآرضّه

وبأصابعي لو بينفعني كثر عضّي
أكلت كلّ اصْبعٍ من كثر ما آعضّه

حظّي جلس لي على المليان ومْفَضّي
طلقة عمى ساقه أوّل ساقٍ تْفضّه(5)

وليد لو من شكى حظّه يرى حظّي
تحمّد الله مِيَة مرة على حظّه

اصيح وين الذهيب اليابس الغضّي
واثر البحر يابسة و(اليابسة) (غضّة)