احبك. لـ يوسف الشطي

احبك - يوسف الشطي

انا اسف . . أنا أدري . . انا احبك. . انا مأقدر
سوى اني اكون اليا نفاك . . البحر . . شطانك

انا حتى الصبر . .لو فاض بيّه الصبر. . ارد اصبر
وانت شلون مالت بك عزومك . .والصبر خانك

مابين المعضله والهم . . وغض الشوف والخنجر
رضيت اني اكونك . .او اكون بصمت . . اوطانك

تمنيت الهلاك . . ان كان ورى ذا طيبتي تثمر
واموت مسامحك . .لا الوقت يصير في يوم ديّانك

حطمت الريح لجل ارضي غرورك واشتريك اكثر
شريتك ما حسبت حساب . . أحساني ونكرانك

لك الله ما زهمت الا رضاك . . وما وصلت لبر
حملتك . . والخطا اني حملتك . . بأجزل أحزانك

قصر حبل الحنان اللي . .يفلك . .والصبر اقصر
تعب قلبي . . ولابه قلب . . يواجه ريح عصيانك

نعم كنت الشجاح اللي هلكته بين . . كر . .وفر
عقب ما كنت ذاك اللي يشق صدور فرسانك

سلامي وان كثر لجلك كلامي. . فالسكوت استر
اروح وخافقي ابيض . . فلا خانك ولا صانك

وباكر لآ حداك الوقت . .ترد ايام . .وتتذكر
تذكرني مثل اي طير . . حط وفارق اغصانك

أنا آسف نعم وبلآ خجل . .اسف انا ما اقدر
ولا حتى . .اكون اليا نفاك البحر . . شطآنك

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.