الا ياضحاحٍ لاح بين النسر والسبع
تلاعج وبرقه كل حيٍ يبشربه
حقوقٍٍ سحابه لابدى الصبح شفت النقع
تحيل الطيور لبارقه يوم يمطربه
يبل الكبود وتضحك العين عقب الدمع
ويغني له القلب المشقى ويزهربه
تنادي زماليق الشعيبين هاك الضلع
تحييه في طلعت صباحه وتخضربه
يلاعب به الغربي ضفاف الغدير النبع
ويضحك له الطيف بنسيجه ويفخربه
تباشرت بك ياريح جدي وهاك الربع
وعقلت الذلول وقلت وطوا لي القربه
لو اني خذيت السيف والرمح ويا الدرع
وغزينا على رمشك فصيلين مع سربه
تحير الاوادم عند عينك تحرى الشفع
ولا ينفع الفارس سيوفٍ والا حربه
لا غظيت تطعن في رماحك ولاهو شرع
وعذابك عذاب ومن ترجاك تكفربه
الا ياعيون غزيل(ن) راتعن بالفرع
تلفت وعينه للسدر وش تذيربه
جفولٍ على عمره سمع او بعد ماسمع
عسيرٍ على اللي خاطمٍ له على دربه
يبيح الطعون ويسقي الموت عرق وزرع
خذا خيل فكره مربط العقل وأبحربه
غنوجٍ يتل الحكي من شفتيه الشمع
يذوب الكلام بمبسمه يوم يقصربه
واليامن تخطى قلت ياذا الحمام السجع
على سدرةٍ يلعى بها ويتسامربه
وغصنٍ يميل اليا غذاه النسيم البرع
تغرياف عوده ينحني له ويكسربه
والياأقبل عليناكن فيه السحاب النجع
على طلعته بدر الدجى قلت ينوربه
تزخرف خدوده كنها الوردتين وتلع
تباهى بحسنه والجمال يتناثربه
عفيف المحيا فيه لطفٍ وعطف وجزع
يغاظي برمشن ناعس الطرف يسحربه
يعسف القلوب ويقطع القلب شوفه قطع
سحرني وانا والله ويش أتعذر به
على كل هذا فيه لا من تكلم طبع
تسلهم عيونه واصبعه دوم يشربه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.