عين شمشون

لـ وليد المري، 15/12/08 02:31:14 AM، في غير مُحدد

عين شمشون - وليد المري

عند اقتراب الشمس.. يختل الأوزون
يعني يصير بها الفضا ..شي خارب

مدري عباراتي تفاسير.. للكون
وإلا تفاسيري بها المخ.. ضارب

كن الجسد عوني وأنا.. كاره العون
يا رب.. رجعني إذا تهت ..يا رب

بنظم قصيد(ن) فيه الأفكار.. يسعون
من حرف مُُعْرَبْ لي فضا فكر ..عَاْرب

في ها لزمن.. كلن مشيطن و شيطون
كلن ورى شيطانه اليوم ..هارب

ولعون يا مكفي ورى الشر ..ولعون
من يتبع الحيه.. تصيده عقارب

شف ها لضريح اللي سكن فيه فرعون
يثبت له إنه من صغار الشوارب

يا علت اللي ما عرف ينهي النون
أبحر على قارب وعاد بقوارب

وش زاد لك ..لي قالوا اللي يقولون
إنك فضيع و شارق(ن) من مغارب

وش ضاف لك.. لي قالوا اللي يسلون
إنك عريب ومن نسل جد ..عارب

لو فادت العزه بقت عين (شمشون)
لو جادت الهيبة ثبت سَدْ (مآرب)

في قاربي.. واحد وتسعين مليون
جن و أباليس وملاعين ..شارب

لكن تخيل بإسم ربي.. يولون
حارب بربك دون ها لدين.. حارب

قومية ال يَعْرُبْ من أفكار (شارون)
شاور على الوحدة.. وجرب تجارب

لين اقربت شمسه على تالي أوزون
وتفرقوا عقبه على ألف مآرب

في هاجسي غرفة ..وغادة.. و غليون
والمغتصب فيها على الشر.. قَاْرَبْ

وعيالها .. فوق المتاكي ينادون:
يالمعتدي استح !! وطف الكهارب !

شمشون : شخصية اسرائيلية .. يروى أنها خارقة للقوى البشريه .. حرقت عينه على أيدي الفلسطينيين

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.