عفويّه. لـ محمد بن فايز القرني

عفويّه - محمد بن فايز القرني

يميّزه عن غيره العفويّه
وفوق ذا مبخوت ومحظظ له

ماهوب شاعر بس واهنيّه
يكتب خواطر والعرب تحفظ له

لكن طبيعي أي واحد زيّه
ماهي قلوب قلوب ماتنبض له

والغيره اللي نارها قويّه
باسبابها كم شخص متغرّض له

ادري ملامح واضحه عليّه
ويظنها من ظن مسّ او نضله

لكنها بالظبط ماهي هيّه
لوما المرض حبه وش اتميرض له

ياللي وانا آهرول تقول اش فيّه
اتخيّل انه راح وآنا اركض له

وان شفتني ماشي شويّ شويّه
اتخيّله وراي وآريّض له

وان شفتني واقف وادق تحيّه
اتخيّله مقبل وغصب انهض له

فكّرت يوم 0 اجيب له هديّه
من ضمن مايُهدى وما يعرض له

واحترت 0 مدري قلبي او عينيّه
واذا قبلها يعتبر من فضله

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.