يازين قدرك رفيع ومنزلك عالي
روياك في خافقي دايم محضرها
ما اسمع بحبك ولا اطاوع ولا ابالي
ارفق بروح ٍ تحبك وانت هاجرها
والمشكله زاد حبك وانت غربالي
شاركت نبضات روحي في قطايرها
ياصعب وصلك وخطك بألف الاميالي
وانت المكاتيب ما تقرا سرايرها
اغليك بس الكرامه شانها غالي
بعض الاوادم لنا سود ٍ ضمايرها
يا منطح الريم يازين التعزالي
عقول ضيعتها وعقول حاشرها
مافيه لحظه خيالك غاب عن بالي
نظرات سودك بوجداني مصورها
اشوف في عينك الحوراء يورالي
هجوم حربي ٍ تحشد به عساكرها
يرسل جبينك سهوم الموت قتالي
والرمش قصاف واهدافك يدمرها
بالحلم طيفك يجي والنوم يحلالي
اعيش في فرحه ياكيف اعبرها
واليا تيقظت من نومي اليا لحالي
قمت اتخطف هاك اللحظه وأدورها
أسري مع الماض بستقبال وارسالي
ماغير أراعي هاكا النجمه واسامرها
أمزح وأسولف وكني داله ٍ سالي
والنار بالكبد تحرقني سعايرها
يلعبي الهجس كني بالخلا الخالي
وأضيع السالفه لو كنت خابرها
بعنازة الحد وأنت بنجد نزالي
دونك زراج ونفود أفنت مواترها
والعوص سفن الصحاري دورها زالي
اللي للأنسان رب الكون صاخرها
عندك خبر ما التفت في بعض الازوالي
بعض المخاليق عيني ما تناظرها
والعشره اللي تذوب ولا لها تالي
مبطي وأنا في حروف النفي منكرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.