القطاعة. لـ نوض السعودية

شيشَتك والمقهى وأهلك وجماعتك

وأشغالك اللي ماتخليك ساعه

قدرت توفيهم بقدر استطاعتك

وانا على فرقاي عندك مناعه

لاصرت انا ويّاك طالعت ساعتك

واليا تكلمنا كلامك لكاعه !!

أوّل تحسسني ب أني اوداعتك

الله يستر لاتضيع الوداعه

علمتني وشلون حبّك وطاعتك

ووريتني مر الجفا والقطاعه

لكن اذا ودّك تطوّل قطاعتك

جرّب على كيفك بحسب إقتناعه

وإن شفتها ماعاد تقدر مناعتك

عوّد على قلبي وبالحب راعه

وإن شفتها دنياك خانت وباعتك

تعال يامرحب وسمع(ن) وطاعه

لاعتني إظروف الليالي ولاعتك

واليا تفرقنا نعوّد جماعه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

القطاعة