مكالمه... لـ خالد المخيدش

ياللي تحسب أن الوصل بمكالمه..

وش ينفعن صوتك مادام أنك بعيد..

الوصل... في شوفة عيونك سالمه..

وإيدٍ تحضن عقب طول البعد إيد..

لاتستمع لأقوال ناس ٍ حالمه..

اللي تقول الشوق بالفرقا يزيد..

لاوالله أيام المفارق ظالمه..

وأتقمع المغرم بكف ٍ من حديد..

ليت الجفا رجال لأجل أسالمه..

وأقول فارقنا ترى فرقاك عيد..

وأقول لك دلة غرامك والمه..

ماهي بتنقص دام قمقمها الوريد..

خل الفراق وخل عنك عالمه..

وأشرب فناجيلك وقل هل من مزيد..

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.

مكالمه..