نواقيس الهجوس

لـ هندي البقمي، 16/04/09 02:05:04 AM، في غير مُحدد

نواقيس الهجوس - هندي البقمي

قصيدة محمد بن راشد على هذا الرابط
( http://www.alsh3r.com/viewpoem.17471.html )

اما مجاراتي كالتالي :
دقت نواقيس الهجوس الفريده

واسرجت شقرن لاجلها تقطع البيد
تومي سبايبها وتجمح وحيده

في عسفها تتعب عطيب الاواليد
شقرن مثل خيل البقوم التليده

الله يخطريها عيون المقاريد
و وردتها من فوق جمة زبيده

عدن يسقي ضاميات المواريد
وعنيتها لا اهل السدود الجويده

لبن تعب ذخر الرجال الصناديد
حرن مقاديمه تعوق الشريده

حلال صعبات الامور المعاقيد
من نسل قومن متعبين الطريده

اليا كبا سبارها والبواريد
من بعدها شوقتني بالقصيده

يا شاعرن تبحل جميع القواصيد
رجواك في خالق ومفني عبيده

ان السحاب اللي نشوفه مراجيد
اليا غدا برقه سوات الوقيده

يمطر بدار اهل السيوف المجاريد
يهل ودانه ليالن مديده

ويمضي علاه الحول ما كف ويزيد
وان صارت شفوفك على ما نريده

سج القدم في حزتن كنها العيد
في خايعن عشبه غطا كل حيده

ما فيه غير ارك البكار المفاريد
اركن تقاود للفحل من هبيده

غزايزن ماهي تجر المعاويد
ورث النا ما جتنا بالمكيده

بسيوفنا طب الكبود الملاهيد
وشفي مع الابل طيب صيت وعقيده

ومقابلة عذب الاما سيد الغيد
هاذي علوم اللي شعته النشيده

يا محمد الراشد هوى ناسع الجيد
ودقت نواقيس الهجوس الفريده

واسرجت شقرن ما اشكموها المباليد

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.