كاسب النوماس. لـ خالد بن رمثان

كاسب النوماس - خالد بن رمثان

مع شروق النور وأنسام الصباح
جتني أفكاري وجتني تنسرد

قمت أحاكي هاجسي والسد باح
وانكتب معناي من قلبٍ ويد

يا قصيدي ِسعد عينك في صباح
شيخنا اللي عَزَّ شعبه والبلد

شيخنا اللي لأجل شعبه ما استراح
ساهرٍ لعيون شعبه ما رقد

كاسب النوماس داعي للصلاح
مستقيم الراي للقمة صعد

راعي الوقفات مبري للجراح
مرهي المده يمد بلا عدد

درعنا اللي لابسينه والسلاح
سيفنا سيف الجزيرة والسند

هو ذارنا اللي قهر هب الرياح
فعل يدّه سور ولسانه عمد

جاته المدحه مثل شرب القراح
يوم غيره لا يقوم ولا قعد

ما يطير الطير مكسور الجناح
وما تنام العين لوجاها الرمد

بايعه قلبي وهو كفو النجاح
ودون أبو ناصر بجي روح وجسد

جعل يومي قبل يومك يا صباح
ويرحم الله جابر الخير وسعد

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.