الصاحب اللي عقد بالصد حجانه
لاعاد يفكر حضوره نفسه حضوره
أربع سنين وجزايه منه هجرانه
واااكبر نفسه عليّ وياااكبر جوره
متحمل(ن) هالألمّ كلّه على عشانه
وأي شي عادي مادامي صرت دستوره
جاني ثقيل الخطا والعين نعسانه
لامنّ تخطى تقول القاع مخموره
كنّ الحروف ( تغدي ) لاوصلت لسانه
ولامنّ تكلّم تمنّت ترجع لزوره
مهره عسفها الحضور وجات ولهانه
تمسح عليّه ( كذا ) وتكمّل الدوره
رضاه عندي قصيدي يطرب آذانه
ورضاي عنّده ينام وعيني تزوره
علمّته شلون ياخذ بالبشر خانه
وعلمّته النفس كيف تصير مغروره!!
دايم يجيني غلا وأصير بحضانه
ودايم أجيله غلا وأصير ديجوره
حطيت قلبي وطنّ جا حط بنيانه
حطيت قلبي بلد جا عمّر قصوره
يضيق صدري إلامن زار جدانه
حالة وصاله معاي تصير محظوره
ويجتاحه الشوق لي بنفس شفقانه
ويبدا يدق الرقم في حال مخبوره
وإن مالقى رد منّي سبّ عمّانه
وبدا جهازي تجيه (إ)من الغلا ثوره
إلين أجاوبه .. ثم آضيع بلحانه
ويبدا يقلّد بصوته صوت سنيوره
ويبدا كلام الغزل من وسط وجدانه
ويقول راضي عليّ وأقول معذوره
من ينّطق إسمي أحس الروح رويانه
ولاقال قلّها .. اقول الموووت يانوووره
يزعل يبين الزعل في كلمة لسانه
وأحاوره للرضى ويغيّر الصوره
واليوم جازاني بصده ونسيانه
ورديت أغني وحيد بنفس مكسوره
جتني صغيرة عمر وصفّتها دانه
وراحت كبيرة عمر وبنفس مغروره
وأنا خفوقي بعد قفلّت بيبانه
وكلمة أخيره وأبي تاصلك يانوووره
الصاحب اللي عقد بالصد حجانه
متساويه غيبته مع طلّة حضوره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.