أنـآ زهقــآنة

تحكون عادي !!
وهذي الزعلانه .. !
 
مدري متى يا الحلوة الطفشآنه ..
 
 
هذا الزعل يا بنت ..
ماهو لايق .. !!
 
وشفيك أدمنتي ( انا زهقآنه )..
 
وانا تعوّدت اقولها ..
وأزوّد ..
 
يا للأسف يا بنت يا ( بطرآنه )..
 
كشخة وقلتي :
عن سموّك كلمه !!
 
ما ودّي انطق بها يالدآنه ..
 
 
هالبنت يا عالم تراها مدري !!
ودّي اقول وحالتي شفقآنه ..
 
 
فيها من الغنج ما يحكي ميوعتها ..
والجسم يعني ( مربربة ورويانه )
 
..
 
أول لقآنا / ب (ماركة جيفنشي) ..
وآخر لقآنا / مضيع ٍ عنوآنه ..
 
يومنّهآ جتني وقالت ( ويلي )
من هالزمن من وحدته واحزانه .. !
 
سجّل ترى رقمي سهل يصلحلك ..
سجلت لجلك ( أختي الانسآنه )
 
دقّت عليّ و ثم قامت تحكي ..
( روحي تراها .. معلّقه ولهآنه )
 
لمحات عينك ترى تبهذلني !!
وانا تراني ( معقّده وتعبآنه )
 
..
 
وأنا مفهّي وقلت يالله سترك ..
ما جيت ادوّر للهوى وسلطآنه ..
 
..
 
شاعر وجمهوري عرف ابداعي ..
واحلى قصيدي تبتسم قيفانه ..
 
وهذي أميرة أبلشتني جدّا ..
وطبعا ترى ب ( احساسها خوّانه )
 
مدري ياوين الطفش في دنياها ..
مدري يا وين الزهق يا ( زهقآنه )
 
قررت اغير ( رقمي ) وأطنّش ..
وأشوف بالبطحا بنيّةٍ طفرانه