أستــآذة الحســـن ..

يا استاذة الحسن في وصفك إثاره ..
ل نّك ملكتي القلب وصرتي أميره ..
 
 
في بُعدك القلب خطّط ل انتحاره ..
وفي قربك القلب يفرح في مصيره ..
 
 
في عتمة اللّيل اشوفك إناره ..
دايم تضيء الكون ب لفتة خطيره ..
 
 
الحب ل ع يونك ثابتٍ في مساره ..
والحب لعيونك حشا ما نستعيره ..
 
 
الشوق نار وانحرقت ب شراره ..
ولهفة المشتاق ل ع يونك كبيره ..
 
 
يا حبّ جارف عايشين ب مداره ..
ويا حبّ ساطي ما قدرنا نديره ..
 
 
يا استاذة الحسن ما عندي عباره ..
مع انّنا نبدع ب مليون سيره ..
 
 
يا لولو يا مرجان يا احلى محاره ..
يا ذهب يا الماس يا اغلى ذخيره ..
 
 
يحقّ لك كلّ الفخر والكباره ..
ويخضع لك البدر بلمحة صغيره ..
 
 
عندك بلمحاتك إتقان ومهاره ..
تضيّعين أهل الوطن والجزيره ..
 
 
وعندك تراث المحبّة حضاره ..
وعندك حضارات ومعالم كثيره ..
 
 
الربح قربك والبقيّة خساره ..
والبُعد يجلب لي ليالي عسيره ..
 
 
خلّك ل قلبي ربيع ازدهاره ..
وخلّك ل روحي الحياة الاخيره ..
 
 
أحبّها بالوقت ليل ونهاره ..
أحبها بالفجر ووقت الظهيره ..
 
 
والوقت لو طال وزاد انتظاره ..
يهون ب جيّتك لحظة قصيره ..
 
 
حتى بلا جيّه تكفينا اشاره ..
مضمونها حبّك والمعاني أسيره ..
 
 
زرعت حبّك جاني أحلى ثماره ..
عرفت حبّك ل المهالك جزيره ..
 
 
وغرست وردة بهدوء وشطاره ..
شمّيت فيها من شذاك وعبيره ..
 
 
صارت لي الراحة بشوقي وناره ..
وصارت تطفّي والمشاعر سعيره ..
 
 
قلت البُعد والله يجيب المراره ..
والدمع سايح مالقا له غديره ..
 
 
قالت تحبك وش تبي ب الكداره ..
والدمع والله ما يودّيك ديره ..
 
 
والدمع تكفى لا يزيد انحداره ..
والحب والله ثابتٍ في مسيره ..
 
 
برهن معي بالحب وهذا قراره ..
انه يحبّك لو تزايد هجيره ..
 
 
وانه يحبّك لو يخلّي دياره ..
وانه يجيلك والمحبّة تثيره ..
 
 
يا وردة الحبّ هذي بشاره ..
قصيدةٍ تعني واعرفك خبيره ..
 
 
 
ويا ..
 
استاذة ..
 
الحسن ..
 
فزتي ..
 
ب ..
 
اختياره ..
 
 
..
 
دامه ..
 
 
يحبّك ..
 
 
لا تشوفين ..
 
 
غيره ..