بسم الله العالي المتعال
الخالد و(خالد) الفاني
من صبح طيبه واذان بلال
من ديرة احلام خلاني
من الشفع والوتر والانفال
من روضة قبور جيراني
ياعمي يا( عمي الجمّال)
غنّاني الحمل واغواني
عليك مني سلام وصال
ياصلك قبل يتعداني
يسري ويلفي عليك خلال :
ماينبت الورد بلساني
اخايلك من ثلاث ليال
تبرق وترعد بودياني
حايلت فيك الكلام وحال
حالي تقل عنك ينهاني
اقراك واكتب سراب اللال
والبرد يرسم بجدراني
ماتسكن الروح بالصلصال
والليل فيك يتهجاني
ياعمي ياعمي الجمال
لاخذني الشعر واعطاني
هيجن على : لين جن اجوال
هذي تبي ذيك تنساني
من (عين ياليل) والموال
لين اولي وااخر الحاني
من : مال يامال اوو يامال
للّدان لادان لاداني
من كل مابالحكي ينقال
من قاصي الصمت والداني
من فلسفة حكمة الاقوال
من حرفنة (ريشة الواني)
من الهيل والويل والاهوال
لمطارد خيول جداني
و(ياعمي ياعمي الجمال )
عسعس بك الحلم باجفاني
وانا وعزة جلال الوال
ماهزهز الشوق جنحاني
الا بعد ياوسيع البال
ماشفت لي حلم بكاني
حلم على قارعة فنجال
شربته بصحة اشجاني
لكن حظي مهو رجال
ملعون( ابو جد) قوماني
من كثر ماهو علي احتال
حتى من الحلم صحاني
اشوفني طفل كبر (انجال)
وابهام الاياام باسناني
واشوفه يقول كيف الحال
وراسي على صدره الحاني
ميلت كتفه علي ومال
راسي على كتفي الثاني
واقوله والله ان الحال
ماسرني كثر عدواني
تعال اعلمك ( كيف الحال ) ؟
تعال اوريك حرماني
البارحه والليال طوال
واحزاني احزاني احزاني
انا وانا مع بعضنا لحال
كاني( اثنين ) وحداني
حبيت حتى نسيت اش قال ؟
ياخوفي النوم ينساني
ذكرتني ليه؟ ياجمال
ست الصبا (بنت نسياني)
(تعال اعلمك ( كيف الحال ) ؟
تعال اوريك حرماني)
من كثرها لامشت تختال
ضاقت على اوزاني اوزاني
كانها ماتبي تنقال
( ................ )
من نورها ماوراها ظلال
منها لها ظل نوراني
لو القمر مايصير هلال
لااقول هذا القمر جاني
ولو ان للشمس (حبة خال)
لاموت والشمس تصلاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.