ياقلب. لـ محسن بالحارث

ياقلب - محسن بالحارث

ياقلب غربلك الزمان اللي مضى لك ياهبيل
وش لك بخوة ناس في درب المصالح ساعيه

ناس تعرفك في الرخاوان زاد مالك لك تميل
وان قل مالك كنهاماهي بعنك داريه

ياكم وكم خاويتهم على النقا تبغى المثيل
لكن ترى في ذا الزمن قليل ناس وافيه

لكن تعلى وارتفع عن خوة الشخص الذليل
خل هامتك فوق الثريا والنجوم العاليه

دور لاخوة القروم اللي يشلون الثقيل
اللي ليا جار الزمن ماهي بعنك لاهيه

واسجدوكثر في الدعاواطلب من الرب الجليل
يبعدك عن درب الشياطين النجوس الطاغيه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.