محمد البياضي .

لـ محمد البياضي، 11/02/10 02:42:14 PM، في غير مُحدد، آخر تحديث 14/07/16 05:04:53 PM

مساجلة شعرية بين الشاعر/ سالم أبو عريضة و الشاعر/ محمد البياضي . - محمد البياضي

قول الشاعر/ سالم أبو عريضة :
 
 
لوني مدرس راتبي عشرة آلاف
غير أشتري فكس آر مثل البياضي
وأمشي بشرف وأمر(ع)بلآد الأشراف
اهل الكرم والجود حاضرو ماضي
وآصل لدار ٍ يسكنه زين الأوصاف
وأملا الغماره من هدايا و مقاضي
والفقر خوفني وانا قبل خواف
ولا احدٍ يطب السوق والجيب فاضي
 
 
 
وأجاب عليه الشاعر/ محمد البياضي بهذه القصيدة :
 
 
من بعد ماني من زمن تارك القاف
هيضني الطاروق والقلب هاضي
سالم بناه ويا عسى ما به خلاف
مدري برغبة منه ولا اعتراضي
يبغى يصير مدرس ويشتري هاف
أويشتري من هالجيوب العراضي
وفي كل يوم يمر عشرين صراف
وإن زادت فلوسه يبي يصير قاضي
ويبني علاقة ود مع كل ميلاف
ومع العنود اللي رعت بالفياضي
أنت تعرف الريم ما يذوق الاعلاف
وأنا أعرفه موشك على الانقنراضي
ترى القناعه كنز راعية عياف
يغنيك عما قلت وتصير راضي
ويبي يمثل ناس في البر تنشاف
برض ٍخلا بين الجبل والرفاضي
هذا حسب ما قال والعلم ما طاف
ياليت ماهو عجل بالحيل راضي
حتى يتحقق من ثلاثين عراف
والناس فيهم طيبين وأمراضي
ولونك براس الضلع علقت كشاف
وعلى جميع اللي سكن غاد ياضي
وحطيت لك شاشه ورادار واشراف
ما تقص لي جرة مابين الحياضي
والديرة اللي قلت من عهد الأسلاف
راضي بواقعها عن الافتراضي
ارض الرجال الشم ماهي بالارياف
ربيع من ينجع لعشب الاراضي
هذا ولا ادري وين تحديد الاهداف
ولا يدخل المسجد رجل غير واضي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.