على رفوف الشوق تبكي هداياي
مكسور خاطرها غيابك،قهرها
الورد يتناثر على بحّة الناي
وسوارتك هلت بكفي عبرها
مجنون انت تغيب ياغلى من دماي
جملة عروقي غاب عنها خبرها
كل البشر في غيبتك صاروا عداي
والليل غول ٍ فرحتي قد ثبرها
في غيبتك , ماعدت عارف وش الراي
اضحك,وادفّي عبرتي في سهرها
ماني بشكاين ولانيب بكاي
لوا ذراعي الوقت !بس ماكسرها
ونا كْسرت ذرعان الايام ، يمناي !
و من لا شمر يمناه ماحدن شمرها
وين انت يالي فدوتك رايح وجاي
ياسدرتن ربّ الخليقة سترها
اشتاق لك زعلان واشتاق برضاي
واشتاق لك ظلمى تحرّى قمرها
مرتاح احبك ، وانت مرتاح بجفاي!
ارض الهوا غير الوفا وش عمرها؟
يامن يموت الكون لا غاب ، برداي
لادارن إلا الموت بعدك حضرها
من غبت غاب النور في فم ظلماي
رجيت روحك لا يطول سفرها
سافر ، بلا ما ينقطع منك رشاي
يانور عيني وجفنها مع نظرها
اموت بك ، اغليك ، تفداك دنياي
وروحي من غيابك دنت من خطرها
اقسم برب البيت من غبت والناي
يعزف بقلبي والأغاني عصرها
واقسم برب البيت احبك من اقصاي
ويفداك راسن غيبتك ما قدرها
كم لي سنة عنك ، من البارح وجاي
احسب على روحن غيابك نحرها
ماشفت هام طويق راسي كما اياي
لكن وناته بصدره قبرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.