سلام يابو زيد واخبرك فاهم
ابي انشدك عن ناس تالي لهم صيت
اهل السناب الي هبط مستواهم
بطبخ لكم طبخة بعد ماتقهويت
كنا نتابعهم لجل محتواهم
والحين واحدهم كأنه مرت بيت
القدر والملاس بيّح خفاهم
لما غدوا يرعون مثل الخراتيت
واسراف ماكن المنيه وراهم
ماكن به ناسً تمنى فتافيت
اما غداهم صوروا او عشاهم
جهّيل لاتقوى ولا هم سرابيت
افعالهم ماهيب تحشم لحاهم
عند العرب من صور الصحن به هيِت
من صوّر ضيوفه وصوّر قراهم
قولوا له بحق المراجل تماديت
ياكسر وجه الضيف يومه لفاهم
كرامته راحت على شان رتويت
يشوف ذله ضيفهم يوم جاهم
واول لجل ما ينحرج يطفي الليت
ياجعلها في حظهم وش بلاهم
عاداتنا متردّية او انا اخطيت؟
عاطف الدرعان الخالدي
————
————
قلت الصحيح ولنت بالله واهم
هجدتهم والله هجدهم فلا اخطيت
روس السعال الله يهدّم ذراهم
ياما بغثاهم هدموا حولنا بيت
يهود عجل ٍ عابدين الدراهم
سناب ربتهم سوات الطواغيت
حدهم بدوار السعادة يلاهم
يشدى خنازير الفرنج الهتاهيت
وين المرّوة صوروا لك غداهم
يالله عسى بديارهم ماتغديت
سوات كفار والاسلام جاهم
من فرحته بالمرجلة له زغاريت
تدري بوقت شريح قاضي وفاهم
امثالهم ماله شهادة هليفيت
صف الدلال تقول صفة جلاهم
وقناده معلب ابو صالح ان جيت
بهيمةً ترعى ودلت تناهم
لو تفصل الجوال بلم على السيت
حنا نخبرهم والملا من خبراهم
شلة فنيشيستات غِمرٍ شحاتيت
يوم الرجال بكل عليا تساهم
ذولا . بتعداد التبع تحسب الصيت
ماجد الزيد الخالدي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.