وانا البارحه ياطول ليل الهواجيس
بعد ما دعاني لهاجس الشعر داعي
اكيل الروابع واخذ العرف واقيس
وبدي عليها نظرتي واطلاعي
ولولا اقناعاتي خذتني وساويس
وتحطم مع صفق العواصف شراعي
كما اللي بنى عرفه على غير تاسيس
يجي لانهيار صروح قصره تداعي
قدحت الزناد و جا لقدحي مقابيس
ودونت عن بعض الامور اقتناعي
كثر ما ورى قفوص الصدر من محابيس
كثر ما نقول الامر مافيه داعي
وكثر ما نلوم العامريه على قيس
نقول الشمل خيره مع الاجتماعي
تشوف العيون من الهوايل كراديس
ومن ما يحز القلب عصر الضياعي
تدهور زمنا لين ما ربع ابليس
ومات الضمير الحي ما جاه ناعي
تعالت علينا اصوات ناس مناحيس
وضاق الفضا وهو رحب واتساعي
لونا نجيب الحق راحوا معابيس
والا من قنعنا بيرق الشر شاعي
ولاهيب لحية لابسين المتاريس
زمان يحطونك خطر يالشجاعي
فلا يربح الا من قضى العمر تدليس
من يقابل العالم بوجه صناعي
مغيرت الافكار السليمه بتدنيس
هل الفلسفه واهل الهروج اللكاعي
بعد ما زهو فينا بزين الملابيس
وشفنا على الواقع صداها الاذاعي
تصير المبادي كلبوها معاكيس
مابين الذياب السحم والا الافاعي
فلا عاد ندري وش تجيب الكواليس
تحيك العناكب بيّتها ما تراعي
سليم النظر يضرس عليها المضاريس
قهر والقهر اليا نصح ما يطاعي
ماغير الاماني راس مال المفاليس
نبني لها بيوت الامال ونداعي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.