الله ..! ياهي ليلة من لياليك
كنك على بيداء الضماير لحالك
في عيني لحالك ولحدن يحاليك
تمشي ودربك في المعاليق سالك
لوجيت باسميك ..مدري شسميك ؟!
متغنج.. ودلوع .. وانا فدا لك
اليا ارتفع من وجنتك رمش عينيك
ايقنت أني .. من نواعسك هالك
اضيع بعيونك تحت رحمة ايديك
واتوه .. لاشفتك معاد اتمالك
ادري معد به ( لاعبيد ومماليك )؟
وهذا أنت.! تقلبها عبيد وممالك
اليا عزف خلخال رجلك خطاويك
مت ابمكاني ..وأنت مآخذت بالك
تفتر عن لولك عذوبة اشافيك
يآآثغرك اللي به وردت المهالك
صيف..وربيع .. وكلها تمتزج فيك
وصبحك نهار وليلك اسود وحالك
وخصر يرتب فوضوية تثنيك
وتبرك جمالك .. في خميلة جمالك .!
اسمع عصافير الجناين اتغنيك
تستلهم الحان الطرب من دلالك
وتنبت حدايق ورد من تحت رجليك
ومناحلك يصنع شهدها زلالك
وشذى العبير اللي خلق منك يكفيك
لافاح .. ثم فاحت بصدري دلالك
زينك(أفضاح) الله من العين يحميك
يجمع حلاك اقصى الجنوب وشمالك
ضآآآمي وحلمه شربة من طرف فيك
تايه سرابك ما ارتوى من خيالك
يشيل حبك في صحاري رجاويك
ويمكن تمر شهور , ولاطرى لك
عجف السنين تمر من عمر مغليك
ماغبت في جدك ولا انسى اهبالك
والله مايشفع اغيابك تغليك
لاغاب في ليلك , بقايا هلالك
ضآميك شفه يرتوي بك ويسقيك
وحشاشته تنبت بدافي وصالك
تعال .. بغفي بين هذي , وهذيك
وقل : سم , وآمر , كلبوني حلالك
ابشربك حتى الثماله واهآذيك
حتى اتمرجح بين جالك .. وجالك
اسهر معي في ليلة من لياليك
واجلس على عرش الضماير لحالك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.