إن كان تنشدني يانايف عن الحال
الحال ماتجهل خفاه وخبرته
لاجيت أبصبر قلت للوضع حلال
شفت الخطأ قدام عيني نظرته
سبايب اللي قال من عرض ماقا
أن الوفاء بالوقت ذبلت ثمرته
مهتال في بعض السواليف مهتال
مايدري ان الناس تعرف شجرته
ماهو سواة اللي وقف وقفة جبال
اليا طلبت يفزلك ماانتظرته
أمحمد اللي عرفته عرفة رجال
أخويه اللي للوزام ذخرته
نسل الحرار اللي لها قدر واجلال
لامر طاري للنشاما ذكرته
ولو نذكر الماضي ولو نذكر الحال
يبقى الردي فيه الردى من صغرته
عرف الردي ياصاحبي ذل وذلال
والمكسب انك في زمانك خسرته
حاولت أخفي ماحصل وأشرح البال
وأضحك وكل اللي حصل لي سترته
لكن حمل الصبر بالوقت قتال
عجزت لصبر والصبر ماقدرته
واليوم تنشدني يانايف بعد قال
تنشد عن اللي قلت واللي ذكرته
قلت الوفاء بالوقت لازال لازال
في كل شبرن بالبسيطه شبرته
(هذا الصحيح وكلمة الحق تنقال)
الطيب ماتذبل وتفنى شجرته
((((((((((((((ردالشاعر نايف حميدان السليمي))))))))))))))
حي الجواب اللي لفاني بجوال
رجل" يدرب للشدايد امهرته
رجل "يحوش المرجله للوفا طال
شبل" ولد ليث" فعوله شهرته
المرجله ماهي ولد عمن وخال
مارامها قاصر عزومه أزجرته
دنيا الفنا ياحمود تقصف وتجتال
والعلم واضح والرسايل انشرته
دنياك ماتثبت على كل الاحوال
كم من صديقن للمواقف وفرته
ماشفت زوله وقتها صد ماسال
روح مقفي والرخامه عثرته
ماهي غريبه وقتك اليوم الانذال
ولاهي غريبه كل شي بدرته
كلن يقيم نفسه اليوم رجال
يقول فعل الطيب يمي حصرته
بيت الوفا لاهل الوفا دوم مدهال
مايدهله نذل فعوله ثبرته
لجيت مخلص صادقن قال محتال
وبعض الكلام بوسط قلبي قبرته
خوينا نفديه بالروح والمال
ابقى حزامه بالقسى ماغدرته
عن لازمه ما نعتذر لو برى الحال
ولو يعتذر عن لازمي ماعذرته
للخير حمالن وللشر حمال
والهرج يكفي عن كثيره زهرته
وختامها بتعيش وتشوف الاهوال
وتذكر كلامن في زمانك سطرته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.