لو الرجال بوزنها وكبر الاجسام
كان استشرنا الطب بزيادة الكيل
ولوهي كما ظنيت ياطير الاعجام
ماكان سبع البر سيطر على الفيل
ولوهي كما صورت في فكر الاوهام
ماكان ذيب الليل يقضي على الحيل
لكن من فعله يقدمه قدّام
تلقى مقامه في علو الرجاجيل
ان جاه ضيف الله قدّم له انعام
اللي يوفي واجبه بالتكاميل
وان قلت له فزعه كما الشبل ضرغام
يسعى على حل الصعيبات ويشيل
ماكنكنت حاله وسوّف لها ونام
والا اوعدك واعطاك حلو التماثيل
كم وضّحت سود الليالي والايام
ناسٍ تدس الشر للخلق وتميل
كم تجري الانهار من شرقٍ وشام
واللي اشتهر منها على العالم النيل
اليوم لاتذكر مواقيفك العام
ترى النجوم كثار والمعتلي سهيل
ماكل من يلبس على الراس بسام
يعد نفسه من كبار الفطاحيل
لو الامور بوضع صبغه وهندام
كان العذارى صاحبات الاقاويل
ناسٍ تدير الراى باثبات واحكام
وناسٍ توجه وين ماصار تطبيل
من عقب ماكنتم على عيش وايدام
يرد صاع الطيب صاعين من ويل
انا صديقي كل من كبر وصام
ماني صديق اللي يسوي البراميل
من شاف ابونوره يوصّله الاعلام
عله يشاركني ويبدي التعاليل
بحكم ماقضيت انا وصاحبي اعوام
لاشك يعرفني ويفهم لي القيل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.